| AURKEZPENA. Europako Gaietarako Zuzendaritza 2000. urtean sortu zen. Bere lehentasunetako bat Arabako Foru Aldundiak Europako laguntzen programetan eta funtsetan, Nekazaritzako Politika Bateratuari dagozkionetan izan ezik, duen partaidetza sustatzea eta kudeatzea da. Baina, horrekin batera, gizartean Europako integrazio prozesua zabaltzea eta, jendaurreko bi bulegoren bidez, Euroleihatila eta Europe Direct, enpresei eta herritarrei Europar Batasunaren inguruko informazioa ematea ere Zuzendaritzaren helburu dira. |
