|
|
|
|
 |
|
|
|
|
Arabak industriarako lurzoru eskaintza
zabala dauka, Foru Aldundiak nahiz bertako udalek sustaturik,
landa zein hiri eremuetan.
Aldundiak
sustaturiko lurzoru eskaintza ARABA
GARAPEN AGENTZIA S.A. sozietatearen bidez egiten da. Sozietate
horrek Agurain, Asparrena, Casablanca, Gojain, Lantarón, Lapuebla
de Labarca, Murga, Langraiz, Okiturri eta Okondoko industria
poligonoak kudeatzen ditu.
Aldundiak
enpresa txiki eta ertainetarako pabiloi eskaintzan ere esku
hartzen du Elkartegien eta Industrialdeen bitartez. Batzuk
nahiz besteak modulu-eraikinak dira, baterako zerbitzuak eta
tamaina desberdinetako industria lokalak barne hartzen dituztenak.
Gaur egun, badaude elkartegiak Araian eta Laudion, eta industrialdeak
Aiaran, Agurainen, Amurrion, Langraizen, Campezon, Laudion
eta Legutianon.
|
|
|
|
|
|
|
|
|
|
Arabako
Parke Teknologikoa, Vitoria-Gasteiztik 5 km-tara dagoena,
teknologia aurreratuen erabilera, berrikuntzen garapena edo
I+G jarduera intentsiboa ezaugarri duten enpresetarako kokagune
ezin hobea da.
Bere jarduera
arloak, batez ere, hauetxek dira: aeronautika, energia, informatika,
telekomunikazioak, ingurumena, elektronika, industria automatizazioa
eta material berriak.
Parkea paregabeko
ingurune batean kokatuta dago. 117 hektareako bere azaleraren
erdia baino gehiago basoak eta berdeguneak dira, eta haren
urbanizazioa estetikari eta ingurumenarekiko begiruneari garrantzi
handia emanez burutu da.
|
|
|
|
|
|
|
|
|
|
Arabak lau teknologiagune ditu, enpresei
zerbitzu teknologikoak eskaintzen dizkietenak. Gune horietatik
hiru Parke Teknologikoan daude (LEIA, Aeronautika Teknologien
Zentroa eta Energia Teknologietarako Zentroa). Laugarrena (EUVE)
Vitoria-Gasteizko hirigunean dago, Mercedes Benz enpresaren
ondoan.
Teknologi
Aurrerapenerako Zentroak (LEIA) ingurumenari buruzko ikerkuntza
eta enpresen berrikuntzaren sustapena ditu bere jarduera nagusiak.
Aeronautika
Teknologien Zentroaren jarduera nagusia aireontzien egituren
eta barrualdeen balidazio eta jokabide saiaketak egitean datza.
Energia Teknologietarako
Zentroak teknologia eta ikerkuntza zerbitzuak eskaintzen ditu
honako arloetan, besteak beste: girotzea, konbustioa, energia
alternatiboak, energia ekoizpen prozesuetan, eta eraikuntzen
erosotasuna.
European Virtual Engineering (EUVE)
delakoak irtenbide informatiko aurreratuak eskaintzen ditu
produktuaren diseinuan eta prozesu garapenean.
|
|
|
|
|
|
|
|
|
|
Arabako
Europar Eraberrikuntza Industrialdeak (CEIA) ekinzale berriei
laguntza eskaintzen die beren proiektuak aurrera eramateko.
Laguntza hori bi arlotan gauzatzen da, batez ere: kontsulta
eta logistika. Kontsulta arloan, CEIAk proiektuaren bideragarritasunari
buruzko azterlanean lagundu eta teknika, ekoizpen, merkataritza
eta finantza arloetako azterlanak egiteko aholku ematen du.
Logistika arloan, bere instalazioak, pabiloiak eta bulegoak
eskaintzen ditu, baita proiektuak martxan jartzea errazago egiten
duten zerbitzu zentralak ere.
CEIA Europako
Batasunak homologatutako gunea da, eta European Comunity Business&Innovation
Center (BIC) delakoaren barruan dago.
|
|
|
|
|
|
|
|
|
|
Gasteizko Garraiogunea (CTV) leku estrategiko
batean dago kokatuta, Foronda-Gasteizko aireportuaren, RENFEren
merkantzia geltoki berriaren, N-1 errepide nazionalaren eta
Bilboko portura doan autobidearen ondoan. Intermodalitatea eeta
edozein merkaturekiko lotura ahalbideratzen ditu.
Garraioguneak
garraio agentzietarako eta biltokietarako pabiloiak ditu,
baita gaur egungo garraiogune malgu batek beharrezko dituen
zerbitzu guztiak ere, hala nola aduana, bankua, kamioien aparkalekua,
biltegi frankoa, hotela, jatetxea, tailerrak, karburante hornitegia
eta ibilgailuen garbitegia, eta karga-zentro informatiko bateratua,
Europako beste garraiogune batzuekin loturikoa.
|
|
|
|
|
|
|
|
|
|
Vitoria
International Airport (VIA) sozietateak Gasteiz-Forondako
Aireportuaren sustapena du bere helburuen artean. Sozietate
honen jarduera nagusia karga-trafiko berriak, jarduera logistikoak
eta aireportuko pisten ondoan kokaturik egon behar duten industriak
erakartzea da.
|
|
|
