Etengabeko prestakuntzari lotutako jarduerak eta Arabako enpresetako enplegua bultzatzea. Jarduera horien artean, birziklatzeko ikastaroak, enplegurako prestakuntza ikastaroak eta prestakuntzarako beharrizanei buruzko diagnostiko azterlanak sartuko dira.

Ekonomia jarduera nagusia industrian edo honekin lotutako zerbitzuetan duten Enpresak, edozein delarik ere haien konfigurazio juridikoa —enpresaburu indibidualak eta autonomoak barne—, eta pertsonalitate juridiko propioa duten enpresa taldeak, baldin eta ondoko baldintzak betetzen badituzte:

• Gizarte eta zerga egoitza Arabako Lurralde Historikoan edukitzea, edo gutxienez ekoizpen edo zerbitzu zentro bat lurralde historiko horretan izatea.

• Ogasunarekiko eta Gizarte Segurantzarekiko zerga betebeharrak egunean izatea.

Ekonomia jarduera nagusia industrian edo honekin lotutako zerbitzuetan duten enpresak edo enpresaburu indibidualak izango dira baldin eta Jarduera Ekonomikoen gaineko Zergaren epigrafe hauetako batean alta emanda badaude (eskabidea aurkezteko unean) eta epigrafe hauetako jardueraren bat egiten badute:

• Enpresa jarduerei dagokienez, banaketa hauek: 2. banaketa (21 eta 23 multzoak izan ezik), 3. eta 4. banaketak, 504 taldea eta 62, 84 eta 93 multzoa.

• Jarduera profesionalei dagokienez, lehen aipatutako enpresa jarduerekin bat datozenak.

Era berean, enpresa txiki edo ertaintzat (ETE) hartuko da:

• 250 soldatako langile baino gutxiago dituena,

• 50 milioi euro baino gehiagokoa ez den urteko negozio bolumena duena, edo 43 milioi euro baino gehiagokoa ez den urteko balantzea duena.

Ez itzultzekoak diren dirulaguntzak, eta zenbateko hauetaraino:

1. Birziklatzeko ikastaroak: ETEetan (Enpresa txiki eta ertainak): prestakuntza orokorrerako jardueretan, onartutako gastuen aurrekontuaren % 75 arte, eta prestakuntza espezifikoko jardueretan, % 40 arte. Gainerako enpresetan: prestakuntza orokorrerako jardueretan, onartutako gastuen aurrekontuaren % 55 arte, eta prestakuntza espezifikoko jardueretan, % 30 arte.

 

2. Enplegurako prestakuntza ikastaroak: onartutako gastuen aurrekontuaren % 85eraino. Kategoria horrek barne hartzen dituen prestakuntza jarduerek gutxienez 5 pertsona txertatzea izan behar dute helburu, lanegun osoko 6 hilabeteko aldirako gutxienez.

 

3. Diagnostiko azterlanetan: onartutako gastuen aurrekontuaren % 50eraino. Eskatzaile bakoitzarentzat eman daitekeen dirulaguntzaren gehieneko muga: 6.000 € (10.000 € enpresa taldea baldin bada).

Ikastaroentzat adierazitako diru laguntzen ehunekoak % 10 gehiago handitu ahal izango dira, baldin ikasleen artean talde babesgabeak edota laneratzeko zailtasun espezifikoak dituztenak badaude. 

Dirulaguntzaren aurrekontu osoak ezin izango du onartutako gastuen aurrekontuaren % 100 gainditu.

Eskatzaile bakoitzarentzat eta birziklatze eta prestakuntza ikastaro multzorako dirulaguntza, gehienez, 33.000 euro izango da, baldin eta interes bereziko proiektu izendatu ez badira. Izan ere, halakoetan muga hori gainditu ahal izango da "minimis" laguntzen arautegian (EBren 1998 Arautegia, Batzordeak 2006ko abenduaren 15an onartua) ezarritakoen arabera.

Erregistro Orokorrean, ALHAOn argitaratzen denetik 2008ko apirilaren 30era arte.

19/2008 Foru Dekretua, martxoaren 18koa. Honen bidez, Arabako enpresetako prestakuntzarako laguntza programa onartzen da. (ALHAO 37 zk., 2008-04-02).

ESKABIDE INPRIMAKIA

MEMORIA INPRIMAKIA