Enpresa berriak sortuz, berriki sortutakoak babestuz, lehendik dauden eta enpresa egitura berriak sorrarazten dituzten enpresak dibertsifikatuz eta Arabako Lurralde Historikoan enpresa berriak ezarriz Arabako enpresa bilbadura indartzea, berrikuntzaren aldagaia enpresen bilakaeraren kakoa duen produkzio bilbadura berri bat sortzearen bila.

Programa honetan jasotzen diren onurak eskuratu ahal izango dituzte proiektu berritzaileak dituzten sustatzaile edo enpresa hauek:

1. Enpresa unitate berri bat egiteko proiektua duten banakako sustatzaileak.

2. Beren jarduera dibertsifikatu nahi duten Arabako enpresek, enpresa unitate berri bat sortzeko proiektu zehatz bat aurkezten badute.

3. Beren egoitza Arabatik kanpoan daukaten eta gure lurraldean jarduten hasi nahi duten enpresak.

4. Lehendik eraturik dauden Arabako enpresak, eskabidea aurkezteko garaian gehienez 2 urte badituzte eta oraindik beren jarduera abiarazteko urratsean badaude.

Onuradunek enpresa proiektu berriak garatzen eta sustatzaile berriei laguntzen esperientzia handia duten erakunde publikoen nahiz pribatuen tutoretza pean aurkez ditzakete eskabideak, eta hori positiboki balioetsiko da.

Enpresek egunean egon beharko dute Ogasunarekiko eta Gizarte Segurantzarekiko betebeharretan. Onurarik gabe geldituko dira nekazaritza eta abeltzaintzako enpresak eta akzioetan sektore publikoaren partaidetza duten proiektuak.

Proiektuak abian jartzeko egin beharreko gastuak diruz lagundu ahal dira. Horien artean, ondorengo gastu hauek sartu ahal izango dira:

• Merkatu eta/edo bideragarritasun azterketak aurrera eraman eta sakontzea.

• Enpresa martxan jartzeko gastuak.

• Berariazko txosten eta azterketa teknikoak.

• Prototipoak diseinatzeko eta egiteko gastuak.

• Inbertsio gastuak, baldin eta enpresa unitatea eratuta badago diru laguntza ordaintzerakoan (higiezinak, lurrak eta ibilgailuak izan ezik).

• Eta, oro har, proiektu berriak martxan ipintzeko garrantzi handikotzat eman daitezkeen gastuak.

Ondorengo gastuengatik ez da dirulaguntzarik emango:

• Enpresa eratzeko gastuak.

• Dietak eta kilometrajea, negozio proiektua aztertzeko izan ezik.

• Erakunde tutoreetako plantilletako teknikarien kostua, halakorik izanez gero.

• Gastu arruntak, hala nola alokairuak, argindarra eta telefonoa.

• Bulego eta lokalak eraberritzea eta apaintzea.

• Enpresaren beraren langile kostuak.

• Patenteak, enpresaren bideragarritasun proiektu baten barruan kokatzen ez badira.

• BEZ.

Enpresa unitate berriak sortzeko proiektuak Arabako Lurralde Historikoan gauzatu beharko dira.

Dirulaguntza jaso ahal izango dute, 2008an hasitako proiektuetatik, 2008ko abendura arte gauzatzen diren jarduerek eta, lehenago hasitako proiektuetatik, 2008ko ekitaldian ordaintzen diren jarduerek eta 2008ko abendura arte gauzatzen direnek.

Laguntza hauek, onartutako gastu aurrekontuaren % 50eraino hel daitezkeen dirulaguntzen bidez gauzatuko dira, gehienez ere 20.000 euroko mugarekin proiektu bakoitzeko. Kopuru horretatik gehienez ere 10.000 euro egin beharreko inbertsioetatik etor daitezke.

Proiektuaren barruan egiteko diren jarduerak ekitaldi bat baino gehiagotan egiten badira, laguntza hauen ekitaldi bat baino gehiagotara aurkez daiteke; goian aipatutako gehienezko muga hori guzti-guztien baturari ezarriko zaio.

Eskualde Garapenerako Europar Funtsak (EGEF) kofinantzatuta dago programa hau.

Erregistro Orokorrean, ALHAOn argitaratzen denetik 2008ko maiatzaren 26a arte.

26/2008 Foru Dekretua, apirilaren 15ekoa, Araban enpresa berriak sortzeko eta bultzatzeko Laguntzen 2008rako deialdia (AUSARTU) onartzen duena. (ALHAOren 46 zenbakia, 2008ko Apirilaren 23koa).

ESKABIDE ORRIAK